Somos porcos para nós mesmos

A natureza está cada vez máis prsente nas nosas vidas. Pero non en todas. hai moitos anos chegaba a mín a nova de que uns presos do cárcere da Lama iban limpar o río Gafos en Pontevedra. Non era nada extrano. de todos é sabido que as augas que percorren galicia van cheas de merda. Nesa priemira experiencia atoparon plásticos, rodas de coches, unha bicicleta e, unha neveira .
Ó mellor é por eso que o que fai agora a Asociación de Troiteiros Río Furelos de Melide non me asusta tanto. Un inconsciente -pode ter moitos máis adxectivos, pero nos conformaremos con ese- encheu o río de purín. Matou máis de tres mil troitas e deixou morta para moito tempo a natureza que tan a gusto estaba en terras melidenses. Pero eso non é todo. Os desta asociación atoparon noutra ocasión ata un coche, con matrícula e todo. E é que somos porcos ata para nós mesmos. Non coidamos para nada a vida que nos rodea.
Cando o río Furelos baixe cheo de merda, sin troitas, cando non teña vexetación na ribeira, cando a auga sexa de calqueira cor menos cristalina, cando en vez dun río sexa un vertedoiro, entón os veciños saberán o que perderon. E polos pasos que daban ata o de agora non andaban moi lonxe. Menos mal que esta asociación de troiteiros pelexa polo ben de todos e, sobre todo, por educar ós veciños no coidado do medio ambiente.
Non estaría de máis un pequeno empurrón desde a Administración para multar con rigor ós terroristas da natureza e instalar depuradoras alá donde fagan falta. Que non sólo as rías as necesitan. O noso interior tamén as merece.

DESDE A VILA.
Víctor Furelos
Tierras de Santiago
martes, 2. otc. 2007